Кутубхоначилар меҳнати эътироф этилди (+видео)
Сурхондарё вилояти Термиз шаҳридаги 26-умумтаълим мактабида 21 май – Кутубхоначилар куни муносабати билан байрам тадбири ташкил этилди. Унда вилоят Мактабгача ва мактаб таълими бошқармаси бошлиғи ўринбосари М. Нормуродов, вилоятнинг қатор умумтаълим мактаблари кутубхоначилари ҳамда соҳа масъуллари иштирок этди.
Тадбир давомида сўзга чиққанлар барча кутубхоначиларни касб байрами билан самимий муборакбод этиб, ёш авлодни китобхонлик руҳида тарбиялаш, маънавиятни юксалтириш ва таълим сифатини оширишдаги соҳа вакилларининг ҳиссасини алоҳида қайд этди.
[gallery-29536]
Шунингдек, вилоят миқёсида фаол ва намунали меҳнат қилиб келаётган мактаб кутубхоначилари ҳамда соҳа фидойилари Мактабгача ва мактаб таълими вазири ҳамда вилоят бошқармаси бошлиғининг ташаккурномалари ва эсдалик совғалари билан тақдирланди.
Тадбирнинг энг қувончли воқеаларидан бири – Ангор туманидаги 12-мактаб кутубхоначиси Эмина Давлатованинг “Халқ таълими аълочиси” кўкрак нишони билан тақдирлангани бўлди. Ушбу юксак мукофот соҳа вакилларининг шарафли ва масъулиятли меҳнатига берилган муносиб баҳо сифатида эътироф этилди.
<iframe width="650" height="420" src="https://www.youtube.com/embed/5TwyxhWdyhQ" title="Kutubxonachilar mehnati e’tirof etildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Жонибек ҚЎЗИМУРОДОВ (сурат ва видео), ЎзА
