Kolumbiyada zilzila oqibatida 132 kishi halok bo‘ldi(+video)
Kolumbiyaning g‘arbiy qismida 7,4 magnitudali kuchli zilzila sodir bo‘ldi. Yer silkinishi Ekvadorda ham sezildi, deb xabar berdi Euronews.Kuchli zilzila Kolumbiya va Ekvadorni larzaga keltirdi. Kolumbiya prezidenti Abelardo de la Espriyelyaning ma’lum qilishicha, kamida 132 kishi halok bo‘lgan. Yana 700 dan ortiq kishi turli jarohatlar olgan.
Kali shahrida o‘nlab binolar vayron bo‘lgan. Mahalliy hokimiyat ma’lumotlariga ko‘ra, vayronalar ostida odamlar qolib ketgan bo‘lishi mumkin.
AQSH Geologiya xizmati zilzila kuchini 7,4 magnituda deb baholadi. Zilzila o‘chog‘i ancha chuqur joylashganiga qaramay, silkinishlar kuchli bo‘lgan. Zilzilaning epitsentri Kolumbiya poytaxti Bogotadan taxminan 400 kilometr g‘arbdagi hududda bo‘lgani taxmin qilinmoqda.
Kolumbiya poytaxtidan tashqari, zilzila mamlakatning markaziy hamda g‘arbiy qismidagi boshqa shaharlarda ham sezilgan.
Kolumbiya Fuqaro aviatsiya xizmati ma’lum qilishicha, zilzila oqibatida yetkazilgan zararlar sababli bir nechta hududiy aeroportlar yopilgan.
Bugungi zilziladan avval iyun oyi oxirida Venesuelada 7,2 va 7,5 magnitudali ikkita kuchli zilzila sodir bo‘lgan edi. O‘shanda yer silkinishlari yuzlab binolarni vayron qilgan va 5 mingdan ortiq odamning hayotiga zomin bo‘lgan edi.
<iframe width="640" height="350" src="https://www.youtube.com/embed/X5zLmX6vXCQ" title="Kolumbiyada zilzila oqibatida 132 kishi halok bo‘ldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Kenja Bekjonov, Ulug‘bek To‘xtayev, O‘zA
