“Катта еттилик” таркибида доимий котибият тузилади

“Reuters” ўз манбаларига таяниб хабар беришича, “Катта еттилик” (G7) мамлакатлари муҳим минераллар таъминотини кучайтириш мақсадида доимий котибият тузиш бўйича музокара олиб боряпти.

– G7 мамлакатлари раҳбарлик қайси давлатга ўтишидан қатъи назар, гуруҳ доирасида муҳим минераллар таъминотини кучайтиришга қаратилган ташаббусларни жадаллаштириш учун доимий котибият ташкил қилиш бўйича музокара олиб бормоқда, – дейилган хабарда.

Маълумотга кўра, G7 котибияти Халқаро энергетика агентлиги (ХЭА) ёки Иқтисодий ҳамкорлик ва ривожланиш ташкилоти (ИҲРТ) идорасида фаолият олиб бориши мумкин. Бу икки тузилма қароргоҳи Парижда жойлашган.

Ҳозирча ХЭТ ​​мавзуга изоҳ бергани йўқ, ИҲРТ ҳам “Reuters” ахборотига муносабат билдирмади.

“Катта еттилик”нинг навбатдаги саммити 15-17 июнь кунлари Франция раислигида Эвиан-лес-Бен курорт шаҳарчасида ўтказилади. Йиғилишда G7 аъзоларидан ташқари Ҳиндистон, Бразилия, Жанубий Корея ва Кения раҳбарлари ҳам иштирок этиши кутиляпти.

С.Раҳимов, ЎзА