Fitch Ratings ОКМКнинг кредит рейтингини “BB” даражасида, прогнозни эса “Барқарор” деб тасдиқлади
2026 йил 15 май куни Fitch Ratings халқаро рейтинг агентлиги “Олмалиқ кон-металлургия комбинати” АЖнинг кредит рейтинги бўйича навбатдаги ҳисоботини чоп этди. Ҳисоботга кўра, комбинатнинг кредит рейтинги “Барқарор” прогнози билан “BB” даражасида тасдиқлади.
Рейтингнинг тасдиқланиши комбинатнинг Ўзбекистон учун юқори иқтисодий аҳамиятга эгалигини, давлатнинг кучли қўллаб-қувватлови ҳамда барқарор молиявий интизомини акс эттиради. Агентлик ОКМКнинг мамлакатдаги йирик мис ишлаб чиқарувчиси, энг йирик солиқ тўловчи ва экспортчилардан бири сифатидаги ролини, шунингдек, инвестиция лойиҳалари муваффақиятли амалга оширилаётганини юқори баҳолади.
Ушбу рейтинг халқаро инвесторларнинг комбинатга бўлган ишончини мустаҳкамлайди ва унинг глобал молия бозорларидаги имкониятларини кенгайтиради.
“Олмалиқ КМК” АЖ ривожланиш стратегиясини изчил татбиқ қилиш билан ишлаб чиқариш қувватларини ошириш ҳамда корпоратив бошқарув стандартларини мукаммаллаштириш орқали, Марказий Осиёдаги етакчи металлургия корхоналаридан бири мақомини тасдиқламоқда.
