“FIRST” робототехника мусобақаси якунланди

Пойтахтимизда илк бор Ўзбекистон Робототехника ва муҳандислик ассоциацияси томонидан “FIRST Uzbekistan Championship” халқаро робототехника мусобақаси бўлиб ўтди.

Ушбу мусобақада 3 та йўналиш бўйича 7 та давлатдан 90 та жамоа, 1000 дан ортиқ иштирокчи қатнашди.

Икки кунлик шиддатли мусобақалар якунига кўра, Ўзбекистоннинг 9 та жамоаси Хитой Халқ Республикасида бўлиб ўтадиган “FIRST China Championship” мусобақасига, 2 та жамоа Гонконгда бўлиб ўтадиган “FIRST Hong Kong Championship” мусобақасига, 1 та жамоа эса АҚШда бўлиб ўтадиган “FIRST Los Angeles Championship” мусобақасига тўғридан тўғри йўлланма олди.

Гулноза Бобоева,

ЎзА