Farg‘onada olti mingga yaqin kishi ommaviy yugurishda qatnashdi

Farg‘ona shahridagi «Istiqlol» o‘yingohi hududida viloyat hokimligi, sport boshqarmasi va hamkor tashkilotlar tashabbusi bilan «Talaba-yugur» ommaviy yugurish musobaqasi tashkil etildi.

Unda oliy ta’lim muassasalari talabalari, harbiy xizmatchilar hamda kuch tuzilmalari vakillaridan iborat olti ming nafarga yaqin ishtirokchi qatnashdi.

Ishtirokchilar belgilangan 3 kilometrlik masofani bosib o‘tib, o‘zlarining jismoniy tayyorgarligi va sport mahoratini namoyon etdi.

[gallery-31843]

Musobaqada yuqori natijalarni qayd etgan ishtirokchilar tashkilotchilar tomonidan taqdirlandi.

Muqimjon QODIROV (surat), O‘zA