Фарғонада олти мингга яқин киши оммавий югуришда қатнашди

Фарғона шаҳридаги «Истиқлол» ўйингоҳи ҳудудида вилоят ҳокимлиги, спорт бошқармаси ва ҳамкор ташкилотлар ташаббуси билан «Талаба-югур» оммавий югуриш мусобақаси ташкил этилди.

Унда олий таълим муассасалари талабалари, ҳарбий хизматчилар ҳамда куч тузилмалари вакилларидан иборат олти минг нафарга яқин иштирокчи қатнашди.

Иштирокчилар белгиланган 3 километрлик масофани босиб ўтиб, ўзларининг жисмоний тайёргарлиги ва спорт маҳоратини намоён этди.

[gallery-31843]

Мусобақада юқори натижаларни қайд этган иштирокчилар ташкилотчилар томонидан тақдирланди.

Муқимжон ҚОДИРОВ (сурат), ЎзА