Бу йил Фарғонадан 1800 нафар киши ҳажга боради (+видео)

Саудия Подшоҳлиги ислом оламининг нигоҳида. Миллионлаб зиёратчилар Макка ва Мадина томон интилмоқда. Ҳаж мавсуми яқин қолди.

Бу йил Муқаддас Ҳаж сафарига мамлакатимиздан 15 минг нафар зиёратчи борса, унинг 1800 нафари Фарғона вилоятидан. Улар ҳам кунма-кун Саудияга йўл олишмоқда. Уларнинг Ҳаж амалларини эркин, хавфсиз ва мукаммал адо этишлари учун барча шароитлар яратилди.

Фарғона халқаро аэропортидан зиёратчиларнинг илк гуруҳи — 360 нафар фарғоналик муқаддас диний амалларни адо этиш учун Саудия подшоҳлиги томон йўлга чиқди.  

Уларни кузатиш маросимида вилоят ҳокими Хайрулло Бозоров иштирок этиб, зиёратчиларни ушбу муқаддас сафар билан қутлади. Сўнгги йилларда мамлакатимизда амалга оширилаётган ислоҳотлар натижасида Ҳажга борувчилар учун имкониятлар кенгайгани, зиёратчилар сони ортиб бораётгани таъкидланди.  

Самимий мулоқотда зиёратчилар яратилган имкониятлар учун давлат раҳбарига миннатдорлик билдириб, юртимиз тинчлиги ва фаровонлиги учун дуо қилдилар.  

– Бу кунларни жуда кўп орзу қилганмиз. Ҳажга боргач юртимиз, халқимиз учун, деҳқон ва фермерларимиз учун албатта дуода бўламиз, – дейди Бувайда туманидан меҳнат фахрийси Абдуҳофиз Аъзамов.

Шундан сўнг зиёратчилар махсус авиарейслар орқали Мадина шаҳрига жўнаб кетишди.

Расман маълум қилинишича, ҳаж сафарига жўнаб кетиш тадбирлари 18 майга қадар давом этади.

<iframe width="640" height="420" src="https://www.youtube.com/embed/VykFodrt8y8" title="Farg‘onadan 1800 nafar kishi hajga boradi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳаммаджон Обидов. Элёр Олимов (видео, сурат), ЎзА