БМТ олий комиссари Исроилнинг Ливандаги ҳаракатларини танқид қилди
БМТнинг Инсон ҳуқуқлари бўйича олий комиссари Фолькер Туркнинг айтишича, Исроил Ливаннинг жанубий қисмидаги улкан ҳудудларни босиб олишга чек қўйиши ва уйларни бузишни тўхтатиши керак, деб хабар беради NBC News.
Туркнинг айтишича, Исроилнинг Ливандаги баъзи ҳаракатлари уруш жиноятларига тенг бўлиб, инсон ҳуқуқлари гуруҳларининг шаҳарлар, қишлоқларнинг кенг миқёсда вайрон қилиниши ва ўнлаб тиббиёт ходимлари ва журналистларнинг ўлими ҳақидаги танқидларини акс эттиради.
- Бундай вайронакорлик халқаро гуманитар ҳуқуққа риоя қилиш борасида жиддий саволлар туғдиради, - деди у.
Фолькер Турк Ливанга ташрифи доирасида ҳукумат амалдорлари, фуқаролик жамияти вакиллари ва уруш туфайли кўчиб кетган ливанликлар билан учрашди.
Эслатиб ўтамиз, можаро жорий йил 2 март куни АҚШ-Эрон зиддияти фонида Ҳизбуллоҳ Исроилга ракета отганида бошланган. Шундан сўнг, Исроил Ливанга қарши ҳаво ва қуруқликда ҳужум уюштирди, натижада 4000 дан ортиқ одам ҳалок бўлди ва 1,2 миллион киши кўчиб кетди. Исроил кучлари ҳали ҳам жанубий Ливандаги ўнлаб шаҳар ва қишлоқларни эгаллаб турибди.
Г.Сатторова, ЎзА
