Ал-Хоразмий олимпиадасининг туман ва шаҳар босқичлари ўтказилди
Жорий йилнинг 28-30 январь кунлари республикамиз бўйлаб 7-8 синф ўқувчилари ўртасида аниқ ва табиий фанлар йўналишида анъанавий тарзда ташкил этиб келинаётган Ал-Хоразмий номидаги фан олимпиадасининг туман (шаҳар) босқичи бўлиб ўтди.
Олимпиада ёшларнинг фанларга бўлган қизиқишини кучайтириш, уларнинг мантиқий тафаккури, таҳлилий фикрлаши ва билимларни амалий қўллаш кўникмаларини ривожлантиришга хизмат қилмоқда.
Навоий вилояти бўйича ўтказилган олимпиаданинг туман ва шаҳар босқичларида жами 3688 нафар ўқувчи иштирок этди. Уларнинг 1431 нафари математика, 855 нафари информатика ва 1402 нафари эса табиий фанлар йўналишида ўз билимларини синовдан ўтказди.
Олимпиадада ҳар бир синфдан фанлар кесимида 1-, 2- ва 3-ўринларни эгаллаган ўқувчилар вилоят босқичида иштирок этади.
А.Бўриев, ЎзА
