Абу-Даби Россия ва Украина музокараларига мезбонлик қилиши мумкин
Россия президенти Владимир Путин АҚШ воситачилигида Украина билан тинчлик музокараларини қайта бошлашга розилик билдирди. Кремль маълумотига кўра, уч томонлама мулоқот ноябрь ойида Абу-Дабида ўтказилиши мумкин.
Москва режалаштирилаётган музокараларда низо тугаганидан кейин Украина ва Россия хавфсизлигини қандай таъминлаш масаласи муҳокама қилинишини маълум қилди. Томонлар тинчлик келишуви шартлари бўйича ҳануз узоқ позицияларда турибди.
РФ Донецк вилояти устидан тўлиқ назорат ўрнатиш ва Украинанинг НАТОга қўшилмаслигини талаб қилмоқда. АҚШ ва Украина вакиллари эса музокаралар жараёнида янги таклифлар муҳокама қилинганини айтган, аммо Кремль уларнинг айрим жиҳатлари Россияни қониқтирмаслигини билдирди.
Яқинда Путин Санкт-Петербургда АҚШ махсус вакили Стив Уиткофф билан қарийб уч соат давом этган учрашувда Россиянинг Эрон билан муносабатлари, АҚШга ўғит етказиб бериш ва йирик қўшма иқтисодий лойиҳалар муҳокама қилинган. Шунингдек, келаси ой Хитойда Путин, Дональд Трамп ва Си Цзиньпин ўртасида эҳтимолий учрашув ўтказиш масаласи ҳам кўтарилган.
Айни пайтда Киев Вашингтон билан ҳарбий разведка маълумотларини алмашиш ва “Starshield” сунъий йўлдош алоқа тизимидан фойдаланишдаги муаммоларни ҳал этишга умид қилмоқда.
Мусулмон Зиё, ЎзА
