Японияда тайфун сабаб 1,6 миллион аҳоли кўчирилмоқда
Япония пойтахти Токио атрофида кузатилган “Дужуан” кучли тайфуни сув тошқини ва кўчки келтириб чиқарди. Натижада 1,6 миллиондан ортиқ аҳолини эвакуация қилиш бўйича огоҳлантириш берилди. Шамол тезлиги соатига 144 километрга етган тўфон минглаб хонадонни электр энергиядан узди. Сўнгги маълумотга кўра, офат оқибатида камида икки киши ҳалок бўлган.
Метеорологлар билдиришича, кучли ёғингарчилик сентябрдаги ўртача ойлик меъёрдан ортган. Офат сабаб транспорт тизимида жиддий узилиш юзага келди: Токио – Осака тез юрар поезди ҳаракати вақтинча тўхтади. Авиакомпаниялар 270 дан кўп рейсни бекор қилди. Тошқин туфайли қатор йирик тадбирлар, жумладан машҳур “Tokyo Game Show” кўргазмасининг охирги куни ва очиқ ҳаводаги мусиқа фестивали муддатидан олдин тўхтатилди. Ҳозир тайфун шимоли-шарққа Алеут ороли томон ҳаракатланиб, соҳилдан узоқлашмоқда.
Ф.Яхшибоева, ЎзА
