Туризм: Өзбекстанға 9 айда 10,3 миллионнан астам турист келді

Жыл сайын Өзбекстанға шетелден келетін туристер ағыны артып келеді. 2026 жылғы қаңтар-қыркүйек айларында Өзбекстанға туристік мақсатта 10,3 миллионнан астам шетел азаматы келді.

Бұл өткен жылдың сәйкес кезеңімен салыстырғанда 1,7 миллион адамға немесе 20,4 пайызға көп.

Ұлттық статистика комитетінің мәліметінше, биылғы жылдың алғашқы тоғыз айында Өзбекстанға туристік мақсатта барлығы 10 306 786 шетел азаматы келген.

Туристер ағыны бойынша көршілес мемлекеттер көш бастап тұр. 2026 жылғы қаңтар-қыркүйек айларында Өзбекстанға ең көп келген шетел азаматтары мына елдердің үлесіне тиесілі:

1. Қырғыз Республикасы — 2 844 201 адам;

2. Қазақстан — 2 404 638 адам;

3. Тәжікстан — 2 274 288 адам;

4. Ресей — 983 407 адам;

5. Ауғанстан — 380 190 адам;

6. Қытай — 373 778 адам;

7. Түркіменстан — 256 546 адам;

8. Түркия — 148 772 адам;

9. Үндістан — 53 778 адам;

10. Германия — 42 973 адам.

Келтірілген деректер Өзбекстанға туристік мақсатта келетін шетел азаматтарының саны артып келе жатқанын көрсетеді. Әсіресе Қырғыз Республикасы, Қазақстан және Тәжікстаннан келгендер жалпы көрсеткіштің едәуір бөлігін құрайды.

Туристер ағынының өсуі елдің туристік әлеуетін танытуға, ұлттық мәдени мұраны халықаралық деңгейде насихаттауға және туризмге қатысты қызметтер нарығын дамытуға зор ықпал етеді.