Батуми – Қара теңіз жағасында орын тепкен көрікті қала

Грузияның Қара теңіз жағалауында орналасқан Батуми қаласы өзіндік сәулетімен, заманауи ғимараттарымен және қайталанбас табиғатымен туристердің назарын аударып келеді.

Елдің Аджария автономиялық республикасының әкімшілік орталығы саналатын Батуми – Грузияның маңызды туристік әрі мәдени орталықтарының бірі һәм бірегейі. Мұндағы тарихи ғимараттар, заманауи зәулім үйлер, кең даңғылдар мен теңіз жағасындағы серуен құратын орындары қалаға өзіндік ерекше көрік беріп тұр.

Әсіресе, Қара теңіз жағалауын бойлай созылған Батуми бульвары – қаланың ең көрікті орындарының бірі. Жасыл желекке оранған аумақ, сәндік ағаштар, субұрқақтар мен серуен жолдары үйлесім тапқан бұл жер жергілікті тұрғындар мен шетелдік туристердің сүйікті демалыс орнына айналған.

Қаланың заманауи сәулеттік келбетін осындағы айрықша архитектуралық жобалар бойынша бой көтерген ғимараттар айшықтай түскен. Сонымен қатар ескі қаладағы тарихи құрылыстар, тар көшелер мен дәстүрлі сәулет үлгілері Батумидің өткені мен бүгінінің өзара сабақтастығын айқын көрсетеді.

Батуми теңіз жағасындағы демалыс орны ғана емес, түрлі мәдениеттер мен дәстүрлер тоғысқан қала ретінде де ерекшеленеді. Оның тамаша алаңдары, саялы саябақтары мен ғажайып сәулет ескерткіштері өзіндік атмосфера қалыптастырып, қалаға келген қонақтардың жадында өзгеше жарқын әсер қалдырады.

Соңғы жылдары қаланың туристік инфрақұрылымы дамып, заманауи қонақ үйлер, ойын-сауық және мәдени орындар оның тартымдылығын одан сайын арттыра түсті. Теңіз көріністері, жасыл желекке бөленген көшелер мен сан алуан сәулеттік шешімдер Батумидің бүгінгі келбетін айқындап әсерлеп тұр.

[gallery-32132]

Көне сәулет пен заманауи шешім үйлесім тапқан Батуми қайталанбас көріністерімен Қара теңіз жағалауындағы ең көрікті қалалардың бірі ретінде танылған.

суреттерді түсірген С.УРМОНОВ, ӨзА