Трамп ва Си Цзиньпин учрашуви якунланди

Хитой Раиси Си Цзиньпин Оқ уйда ўзи шарафига уюштирилган давлат кечки зиёфатида ўша куни эрталаб АҚШ Президенти Дональд Трамп билан “очиқ ва батафсил фикр алмашиш, кўплаб масалалар бўйича ўзаро тушуниш”га эришганликларини айтди.

Хитой раҳбари сўзларига кўра, келишувлар ўзаро муносабатга янги маъно бағишлайди ва “стратегик барқарорлик” дея таърифланади.

Си Цзиньпин АҚШ ва Хитой янги савдо келишувига эришганини эълон қилиб, бу воқеани икки мамлакат саноати ҳамда халқи, шунингдек глобал иқтисодиёт учун яхши янгилик сифатида талқин қилди.

Ўз навбатида Трамп музокарани “ажойиб учрашув” деб атаб, фаровонлик ва хавфсизликни таъминлайдиган икки томонлама муносабатни мустаҳкамлашда давом этиш зарурлигини таъкидлади.

Президент савдо масаласида эришилган ютуқлар америкалик фермерларнинг Хитой бозорига кириш имкониятини кенгайтиришига ишонч билдирди. Музокара мавзулари орасида савдо, сунъий интеллект ва хавфсизлик масалалари бор эди.

Бир кун олдин Вашингтон ва Пекин тариф сулҳини яна икки ойга узайтирган эди.

С.Раҳимов, ЎзА