Трамп Россияга қарши санкцияни юмшатмоқчими?
АҚШ Президенти Дональд Трамп Россияга қарши санкция ва бож масаласида якуний қарор қабул қилиш учун 60 кунгача вақт олмоқчи. Давлат котиби Марко Рубио шу даврда чекловнинг жаҳон ва Америка иқтисодиётига таъсири баҳоланишини билдирди.
Америка етакчиси жума куни келаси ҳафта кучга кириши кутилган рус маҳсулотларига бож ва РФдан энергия харид қилувчи давлатларга нисбатан қўлланган чорани вақтинча тўхтатиш тўғрисида фармон чиқарди. Рубио, айниқса, Россия нефтига таянган Ҳиндистон каби давлатларга нисбатан бож жорий этишнинг оқибати ҳам ҳисобга олиниши зарурлигини таъкидлади.
Шу тариқа Трамп маъмурияти РФдан олинадиган дизель ёнилғиси миқдори кўпайтирилиши бўйича келишувни ҳимоя қилмоқда. Президент айтишича, дастлаб АҚШга 300 000 тоннадан ортиқ маҳсулот етказилади. Битим Яқин Шарқдаги уруш ва энергия таъминотидаги узилиш туфайли кўтарилган нархни пасайтиришга қаратилган.
Мусулмон Зиё, ЎзА
