Тўртинчи автомобиль ғолиби ҳам аниқланди
Хоразмда тўрт ойдан буён ўйналаётган “Чекни талаб қилинг – автомобиль ютинг!” деб номланган ютуқли чек ўйинининг октябрь ойи ғолиблари аниқланди.
Ўтган ойда мазкур ўйинда қатнашиш учун 365 минг 594 нафар иштирокчи томонидан 1 миллион 769 минг 854 та чек рўйхатдан ўтказилган.
Маҳаллий телеканал ва ижтимоий тармоқлар орқали тўғридан-тўғри “жонли эфир”да ўйналган ўйин натижаларига кўра, Урганч шаҳридан Индира Юсупова телевизор, Янгибозорлик Наргиза Бекчанова кир ювиш машинаси ва Урганч туманида яшовчи Муҳаммад Бабаджанов музлаткич эгалари бўлди.
Ютуқли чек ўйиннинг бош соврини бўлган “Дамас” автомашинаси эса қўшкўпирлик Гулнора Қурбанбоевага насиб этди.
Аҳмаджон Шокиров,
ЎзА мухбири
