СІМ басшысы АҚШ өкілімен кездесу өткізді

Өзбекстан Республикасының сыртқы істер министрі Бахтиёр Саидов АҚШ Мемлекеттік хатшысының қоғамдық дипломатия жөніндегі орынбасары Сара Роджерспен кездесу өткізді.

СІМ мәліметінше, келіссөздер барысында тараптар Өзбекстан мен АҚШ арасындағы білім беру, мәдениет, ақпарат алмасу және қоғамдық дипломатия салаларындағы ынтымақтастық мәселелеріне ерекше назар аударды.

«Кездесуде екі ел арасындағы стратегиялық серіктестікті одан әрі нығайту, халықтар арасындағы өзара түсіністік пен диалогты кеңейтуге ықпал ететіні атап өтілді», - делінген хабарламада. 

Сыртқы істер министрі Бахтиёр Саидов бұл сапар Өзбекстан мен АҚШ арасындағы көпқырлы ынтымақтастықты одан әрі дамытуға ықпал ететініне сенім білдірген.

Айта кету керек, соңғы жылдары АҚШ пен Өзбекстан білім беру, мәдени алмасу, ақпараттық саясат және азаматтық қоғам салаларындағы ынтымақтастықты белсенді түрде кеңейтіп келеді.