Си Цзиньпин Пхеньянда (+видео)
Хитой раиси Си Цзиньпин давлат ташрифи билан Шимолий Кореяга келди. Бу ҳақда Синьхуа агентлиги хабар берди.
Ташриф Пекин ва Пхеньян ўртасидаги дўстлик, ҳамкорлик ва ўзаро ёрдам шартномасининг 65 йиллиги муносабати билан ўтмоқда. Маълум қилинишича, Хитой раҳбари 8 июнь куни эрталаб Пхеньянга етиб келган.
Ташриф олдидан Пхеньянда катта тайёргарлик кўрилган. Кўчаларда Си Цзиньпиннинг портретлари, шунингдек Хитой ва КХДР давлат байроқлари ўрнатилган. Шаҳарда икки давлат дўстлигига бағишланган хитой ва корейс тилларидаги баннерлар ҳам жойлаштирилган.
Хитой раҳбарининг бундан олдинги Шимолий Кореяга ташрифи 2019 йил бўлиб ўтган эди. Шундан бери у мамлакатга расмий сафар билан бормаган.
Март ойида Шимолий Корея етакчиси Ким Чен Ин Хитой билан дўстлик ва ҳамкорлик янада мустаҳкамланишини таъкидлаган эди. У лавозимга қайта сайлангани муносабати билан қутлаган Хитой раҳбарига миннатдорлик мактуби йўллаб, буни қўллаб-қувватлаш ва рағбат белгиси деб атаган эди.
<iframe width="650" height="420" src="https://www.youtube.com/embed/ontXHUjLHiI" title="Si Szinpin Pxenyanda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Салим Обиджонов, ЎзА
