Сербия баспасөзінде Өзбекстан туралы мақала жарық көрді
Сербияның RTV басылымы Өзбекстан Президенті Шавкат Мирзиёевтің Сербияға ресми сапарына орай екі ел арасындағы қарым-қатынасқа арналған мақала жариялады.
Атаулы мақалада кейінгі жылдары Өзбекстан мен Сербия арасындағы байланыстардың жүйелі түрде дамып, саяси диалог, парламентаралық байланыстар, гуманитарлық қатынастар және сауда-экономикалық ынтымақтастықтың серпінді бағыттары атап өтіліп, екі ел арасындағы қарым-қатынас көпқырлы әріптестік деңгейіне көтеріп келе жатқаны жазылған.
RTV Өзбекстан мен Сербия арасындағы қарым-қатынастың маңызды ерекшеліктері ретінде өзара құрметті, ұлттық мүдделерді ескеруді және халықаралық ұйымдар аясындағы ынтымақтастыққа бейілділікті атап өткен. Мақалада бұл факторлар екіжақты саяси диалог үшін берік негіз болып отырғаны айтылады.
Басылым Сербияның Өзбекстанның тәуелсіздігін 1991 жылғы 31 желтоқсанда мойындағанын, ал екі ел арасында дипломатиялық қатынастар 1995 жылғы 18 қаңтарда орнағанын еске салған. Мақалада дипломатиялық байланыстардың алғашқы кезеңінде екіжақты қарым-қатынастардың салыстырмалы түрде шектеулі болғаны, ал кейінгі жылдары елеулі түрде, әсіресе 2025–2026 жылдары айтарлықтай ілгерілеу байқалғаны жайлы сөз барады. Бұл ретте Өзбекстан мен Сербияның егемендікке, аумақтық тұтастыққа және ұлттық мүдделерді құрметтеуге негізделген ұстанымдары маңызды рөл атқарып отырғаны айтылған.
Осы үдерісте Сербия Президенті Александр Вучичтің 2025 жылғы 28–31 қазан аралығында Өзбекстанға жасаған ресми сапары маңызды қадам болғаны ерекше атап өтілген. Басылым бұл сапар саяси диалогты нығайтуға, экономикалық байланыстарды кеңейтуге және гуманитарлық ынтымақтастықты дамытуға жаңа мүмкіндіктер ашқанын жазған.
Мақалада осы үдерістің жалғасы ретінде Өзбекстан Президенті Шавкат Мирзиёевтің Сербияға қазіргі сапары екі ел арасындағы ынтымақтастықты одан әрі дамытуға бағытталған маңызды саяси оқиға ретінде бағаланған.
