Путин тадбиркорларга «ихтиёрий равишда» урушни молиялаштиришни таклиф қилди
Хитойда таълим тизимидаги босимни камайтириш чораларидан тортиб, Россияда бизнесдан урушни молиялаштириш учун маблағ жалб этиш ташаббусигача бўлган воқеалар фонида глобал кун тартиби турли йўналишларда кескин ўзгариб бормоқда. АҚШда доллар дизайнига тарихий ўзгартириш киритилиши, суд қарори билан технологик гигантларнинг жавобгарлиги муҳокама марказига чиқиши, Тайванда йирик сиёсатчининг коррупция учун қамалиши ва Шимолий Корея–Беларусь алоқаларидаги рамзий совғалар ҳам эътибор қаратмоқда. Шу билан бирга, Жанубий Кореянинг янги КФ-21 қирувчисини тақдим этиши мамлакатнинг мудофаа саноатидаги тезкор ривожини намоён этмоқда.
<iframe width="640" height="480" src="https://www.youtube.com/embed/2KhnJbBI0mQ?si=pK5G-7v7TzuK9qsu" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Хитойда ўқувчиларга ортиқча уй вазифаси бериш тақиқланди
Хитойда ўқувчиларнинг жисмоний ва руҳий саломатлигини мустаҳкамлашга қаратилган янги чоралар жорий этилди. Эндиликда мактабларда ортиқча уй вазифаси бериш, танаффус вақтини қисқартириш, шунингдек, тез-тез имтиҳон ўтказиш ва ўқув юкламасини ошириш тақиқланади. Бу ҳақда мамлакат Таълим вазирлиги маълумотига таяниб, Реутерс хабар берди. Мазкур қарор ўқувчиларга босимни камайтириш ва уларнинг руҳий ҳолатини яхшилашга қаратилган сиёсат доирасида қабул қилинган. Янги тартибга кўра, мактабларда саралаш мақсадида имтиҳонлар ўтказиш, ўқитувчиларни натижалар учун рағбатлантириш ёки жазолаш ман этилади, ўқувчиларга эса кунига камида икки соат жисмоний фаоллик таъминланиши белгиланган.
Путин тадбиркорларга «ихтиёрий равишда» урушни молиялаштиришни таклиф қилди — ОАВ
Россия президенти Владимир Путин тадбиркорлар билан ёпиқ учрашувда урушни молиялаштириш учун бюджетга ихтиёрий бадаллар киритишни таклиф қилди. The Bell манбаларига кўра, бу ғоя «Роснефть» раҳбари Игор Сечин томонидан илгари сурилган бўлиб, маблағ жалб қилиш учун ҳарбий облигациялар чиқариш таклиф этилган. Айрим тадбиркорлар ташаббусни дарҳол қўллаб-қувватлаган, хусусан, Сулаймон Керимов 100 миллиард рубль ажратишга ваъда қилган. Учрашув Россия саноатчилар ва тадбиркорлар иттифоқи қурултойидан сўнг ўтказилган. Унда бизнес вакиллари интернет узилишлари сабаб юзага келаётган муаммоларни кўтарган, бироқ бу масалага расмий муносабат билдирилмаган.
Доллар ўзгармоқда: купюрага Трамп имзоси туширилади
АҚШда яқин орада чиқариладиган доллар купюраларида илк бор амалдаги президент Дональд Трампнинг имзоси пайдо бўлади. Молия вазирлиги маълумотига кўра, янги банкнотларда анъанавий ғазначи имзоси олиб ташланади ва бу ўзгариш қарийб 165 йил ичида биринчи марта амалга оширилмоқда. Янги купюралар 2026 йилда нишонланадиган мамлакатнинг 250 йиллиги муносабати билан муомалага чиқарилиши режалаштирилган. Расмийларга кўра, дастлабки 100 долларлик купюралар июнь ойида чоп этилади. Шунингдек, юбилей муносабати билан Трамп тасвири туширилган эсдалик тангалар ва бошқа материаллар ҳам ишлаб чиқилиши кўзда тутилган, жумладан, 1 долларлик танга лойиҳаси ҳам кўриб чиқилмоқда.
Мета ва Гоогле ижтимоий тармоқларга қарам бўлиб қолган қизга 6 млн доллар тўлайди
Лос-Анжелесдаги суд Мета ва Гоогле компанияларини 20 ёшли америкалик қизнинг ижтимоий тармоқларга қарамлигига сабабчи деб топди ва жабрланувчига 6 миллион доллар тўлаш мажбуриятини юклади. Қизнинг айтишича, у саккиз-тўққиз ёшидан Инстаграм ва
Ютубеъдан фаол фойдаланиб, вақтининг катта қисмини шу платформаларда ўтказган, натижада унда хавотир, депрессия ва ўзини қабул қилмаслик ҳолатлари юзага келган. Суд ҳайъати платформалардаги фойдаланувчини узоқ ушлаб турувчи функциялар, жумладан «чексиз лента» дизайни руҳий саломатликка зарар етказганини қайд этди. Мазкур иш АҚШда шунга ўхшаш минглаб даъволар орасида судгача етиб борган биринчи ҳолат бўлиб, муҳим прецедент сифатида баҳоланмоқда, компаниялар эса қарор устидан шикоят қилиш ниятини билдирди.
Тайвань президентлигига собиқ номзод коррупция туфайли 17 йилга қамалди
Тайванда президентликка собиқ номзод Ко Венже коррупция ва сиёсий хайрияларни нотўғри ишлатишда айбдор деб топилиб, 17 йилга озодликдан маҳрум қилинди. У Тайпей мери лавозимида кўчмас мулк битимига алоқадор пора олиш ҳамда 2024 йилги президентлик кампанияси давомида молиявий ҳисоботларни сохталаштиришда айбланган. Прокурорлар сиёсатчи учун 28 йилдан ортиқ қамоқ жазоси сўраган, бироқ суд 17 йиллик ҳукм чиқарди. Ко айбловларни рад этиб келган, унинг партияси эса иш сиёсий сабаблар билан боғлиқлигини билдирган.
Лукашенко Ким Чен Инга автомат совға қилди
Беларусь президенти Александр Лукашенко Шимолий Корея етакчиси Ким Чен Инга расмий ташриф чоғида ўқотар қурол совға қилди. У совғани «ҳар эҳтимолга қарши, агар душманлар пайдо бўлса» дея изоҳлаган. Ким Чен Ин эса Беларусь раҳбарига қилич, анъанавий гулдон ва эсдалик олтин тангасини топширган. Ташриф давомида томонлар икки давлат ўртасидаги ҳамкорликни кенгайтириш масалаларини муҳокама қилиб, дўстлик ва ҳамкорлик тўғрисидаги шартномани имзолади. Лукашенко Беларусь қурол-яроғни мустақил ишлаб чиқаришини таъкидлаган, Ким Чен Ин эса совға қилинган автоматни кўздан кечириб, унинг хусусиятлари билан қизиққан.
Жанубий Корея биринчи церийали КФ-21 қирувчисини намойиш қилди
Жанубий Кореяда КФ-21 қирувчисининг биринчи церийали нусхаси тақдим этилди. “Лочин” номи билан ҳам танилган икки ўриндиқли самолёт Сачхон шаҳридаги Корея Аэрокосмик Саноатлари мажмуасида намойиш этилди. Лойиҳа биринчи прототипдан атиги беш йил ичида церийали босқичга етгани билан эътибор қозонмоқда. Президент Ли Чже Мён бу қирувчини мамлакатнинг мудофаа соҳасида мустақил ривожланиш рамзи сифатида баҳолади. Режаларга кўра, 2028 йилгача 40 та, 2032 йилгача эса жами 120 та КФ-21 ишлаб чиқарилади.
Нозимбек Мардонов, Салим Обиджонов ЎзА
