Өзбекстан Президентінің Қазақстанға жұмыс сапары аяқталды
Өзбекстан Республикасы Президенті Шавкат Мирзиёевтің Астана қаласына жасаған жұмыс сапары аяқталды.
Қазақстан астанасында Мемлекет басшысы жасанды интеллект саласындағы қауіпсіздік мәселелері жөніндегі Орталық Азия елдері басшыларының Ақаба процесі аясындағы кездесуіне қатысты.
Халықаралық және аймақтық қауіпсіздікті қамтамасыз ету, терроризм мен экстремизмге қарсы күрес, цифрлық технологиялардың дамуымен байланысты жаңа қатерлер мен қауіптерге бірлесіп қарсы тұру мәселелері қаралды.
Іс-шара аясында Өзбекстан басшысы Иордания Королі II Абдалламен кездесті. Сондай-ақ Қазақстан, Тәжікстан және Түркіменстан Президенттерімен, Әзербайжан мен Қырғызстанның жоғары лауазымды өкілдерімен және Ақаба процесі модераторымен әңгімелесті.
Астана халықаралық әуежайында Өзбекстан Президентін Қазақстан Президенті Қасым-Жомарт Тоқаев шығарып салды. Мемлекет басшысы Ташкентке қайтып оралды.
