Ўзбекистон қишлоқ хўжалигидаги ислоҳотлар хорижий ОАВ эътиборида
Испаниянинг “El Mundo Financiero” ҳамда Покистоннинг Associated Press of Pakistan, Islamabad Post нашрларида Ўзбекистон қишлоқ хўжалиги соҳасида амалга оширилаётган ислоҳотларга бағишланган мақолалар эълон қилинди.
Мақолаларда мамлакатимизда қишлоқ хўжалигини модернизация қилиш ва соҳада бозор механизмларини кенг жорий этиш борасида олиб борилаётган ишларга алоҳида эътибор қаратилган.
Хусусан, қишлоқ хўжалигига мўлжалланган ер участкаларини электрон аукцион орқали тақдим этиш, фермерларга экин турини мустақил танлаш имкониятини яратиш, маҳсулот учун харидорни эркин белгилаш, ишлаб чиқариш харажатларини қисқартириш орқали даромаддорликни ошириш каби янгиланишлар қайд этилган.
Шунингдек, фермер ва қишлоқ хўжалиги субъектларини кооперативларга бирлаштириш, соҳадаги қарорлар муҳокамасига жалб қилиш ҳамда уларнинг таклиф ва тавсияларини инобатга олиш механизмлари жорий этилгани таъкидланган.
Хорижий нашрлар Ўзбекистонда қишлоқ хўжалигини рақамлаштириш ва соҳани замонавий бошқарув асосида ривожлантириш бўйича амалга оширилаётган ислоҳотларни ижобий баҳолаган.
ЎзА
