От спорти: Санжар Раҳимов олтин медални қўлга киритди

Пойтахтимиздаги “Universal Horses Stable” мажмуасида от спортининг конкур йўналиши бўйича “FEI Jumping World Challenge” халқаро мусобақасининг А, B ва C тоифаларида чавандозлар ғолиблик учун баҳс олиб борди.

Иккинчи кун якунларига кўра, А тоифасида Мария Душченко (Stendro) биринчи ўринни эгаллади. Шоҳрух Обидов (Reyd Scart) иккинчи, Маруфбек Абдуллаев (Odemus) учинчи бўлди.

B тоифасида Мирзоҳид Мусаев (Pirana) ғолибликни қўлга киритди. Саидали Шукуров (Kornet) иккинчи, Изатилло Абдуғаффаров (Kardinal) учинчи ўринни эгаллади.

C тоифасида эса Севинч Назарова (Lady) шоҳсупанинг юқори поғонасидан жой олди. Ислом Абдукаримов (Kasamira) иккинчи, Мирзоҳид Мусаев (Koralla) учинчи натижани қайд этди.

“FEI Eventing World Challenge” халқаро мусобақасининг учкураш йўналиши бўйича беллашувлар якунига кўра, Санжар Раҳимов “Mustang” лақабли от билан энг яхши натижани қайд этиб, мусобақа олтин медалини қўлга киритди.

Абдулазиз Толибжонов “Red 2” тулпори билан иккинчи, Олимжон Икромов “Zorrо” билан учинчи ўринни эгаллади.

Жавоҳир Тошхўжаев,

ЎзА