Нетаняху Британияга янги ном қўйди

Бош вазир Биньямин Нетаньяху армия радиосига берган интервьюсида Қиролликни “ядровий қуролга эга биринчи Ислом Республикаси” дея ҳазил қилди. Расмий Лондон бу сўзларни “мутлақо номақбул” дея баҳолаб, масалани Исроил ҳукумати олдига қўйди.

Нетаньяху бу фикрни 1967 йилдаги Олти кунлик уруш пайти Исроилни ижобий ёритган Рэндольф Черчилл ҳақида сўзлаётганда билдирди. Унинг таъкидлашича, бугунги Британияда ўша даврдаги муносабатни топиш қийин. Журналист Европанинг бошқа давлатларида ҳам шундай ҳолат кузатилаётганини айтган, Нетаньяху ҳам унинг фикрга қўшилган.

Изоҳлар икки давлат ўртасидаги муносабат таранглашган пайтга тўғри келди. Бунга, айниқса, Ғазодаги уруш бўйича қарашдаги фарқ сабаб бўлмоқда. Британия Бош вазири Энди Бёрнэм июль ойида Исроил ҳукуматига нисбатан босимни кучайтириш зарурлигини билдириб, Ғазода бегуноҳ аҳоли, жумладан болалар ҳалок бўлаётганини кескин қоралаган.

Нетаньяхунинг сўзлари Британияда ислом таъсири кучайиб бораётгани ҳақидаги ўнг қанот сиёсатчилари ва фаоллар қарашига ҳамоҳанг. У якунда Эронни ҳам тилга олиб, мамлакатнинг ядровий қуролга эга бўлишига йўл қўймаслик кераклигини яна бир бор эслатган.

Мусулмон Зиё, ЎзА