Непалдың солтүстігінде су тасқыны мен көшкіннен 384 турист хабар-ошарсыз кетті
Сәрсенбі күні Непал–Қытай шекарасына жақын аумақта болған алапат су тасқыны мен көшкіннен кейін кемінде 384 туристің тағдыры белгісіз екені хабарланды.
Елдің Туризм кеңесінің мәліметінше, 8 адамның қаза тапқаны расталды. Шекараның екі жағында да құтқару жұмыстары жүргізіліп жатыр. Құтқарушылар хабар-ошарсыз кеткендерді іздеп, олардың қауіпсіздігін тексеріп жатыр.
Зардап шеккендердің арасында Үндістан, Ұлыбритания, Оңтүстік Африка, Австралия және Нидерланд азаматтары бар. Алайда олардың көпшілігінің жеке басы әлі анықталған жоқ.
Су мен лай тасқыны полиция бөлімшесін, кеден бекетін және жеке үйлерді қиратып кеткен. Ресми органдар құрбандар саны артуы мүмкін деп алаңдап отыр. Ботекоши өзенінің жоғарғы ағысындағы мұзды көлдің еруі апаттың ықтимал себептерінің бірі ретінде қарастырылуда.
Кейінірек Непалдың солтүстігіндегі су тасқыны салдарынан 157 адамның қаза тапқаны туралы ақпарат тарады. Жергілікті полиция құрбандар саны әлі де артуы мүмкін екенін және жүздеген туристің әлі табылмағанын тағы бір мәрте мәлімдеді.
