Мудом янграб турсин ўзбек деган ном (+видео)
Ўзбекистон Миллий кутубхонасида Республика Оила ва хотин-қизлар қўмитаси ҳамкорлигида “Китобхон оналар куни” тадбири бўлиб ўтди.
Унда давлат ва жамоат ташкилотлари вакиллари, зиёлилар ҳамда ҳудудий ахборот-кутубхона марказлари мутахассислари иштирок этдилар.
“Мудом янграб турсин ўзбек деган ном” шиори остида ўтган тадбирда Президентимиз томонидан маданият, санъат ва адабиёт соҳаларида мукофотланган ижодкорлар қатнашди. Сўзга чиққанлар уларнинг халқ маънавиятини юксалтириш, миллий маданиятимизни дунёга танитиш ва жамият тараққиётига қўшаётган ҳиссасини алоҳида эътироф этдилар.
Шунингдек, оила институтини мустаҳкамлаш, оналик ва болаликни ҳимоя қилиш ҳамда гендер тенглигини таъминлаш йўлидаги хизматлари билан ажралиб турган аёлларнинг ўрни таъкидланди. Мукофот соҳибалари эса аёлларга кўрсатилаётган эътибор ва юксак ишонч учун миннатдорлик билдириб, бу эътироф уларни янада самарали фаолият юритишга ундашини қайд этдилар.
<iframe width="560" height="315" src="https://www.youtube.com/embed/bp-3Al0sRk8?si=zSwwBCe2LvWs6Sns" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Анвархўжа Аҳмедов, ЎзА
