Messi: yana eng kuchli to‘rtlikdamiz, bu oddiy hol emas

Chorak finalda shveytsariyaliklarni qo‘shimcha bo‘limlarda 3:1 hisobida mag‘lub etgan argentinaliklar yarim finalga yo‘llanma olishdi.

Argentina terma jamoasi hujumchisi va sardori Lionel Messi milliy jamoa g‘oliblik bilan yakunlangan 2022-yilgi jahon chempionatidan keyin ham o‘zining yuqori o‘yin darajasini saqlab qola olganini alohida ta’kidladi.

Chorak finalda shveytsariyaliklarni qo‘shimcha bo‘limlarda 3:1 hisobida mag‘lub etgan argentinaliklar yarim finalga yo‘llanma olishdi. Jamoa navbatdagi bosqichda Angliyaga qarshi (15-iyul kuni) maydonga tushadi.

«Ushbu jamoa odamlarni noodatiy narsalarga o‘rgatib qo‘ydi: jahon chempioni bo‘lgandan keyin, qo‘lga kiritish mumkin bo‘lgan barcha sovrinlarni yutib, musobaqalarda yana o‘sha yuqori darajani saqlab qolgan holda ishtirok etish unchalik oson ish emas. Mana, biz yana dunyoning eng kuchli to‘rtta jamoasi qatoriga kirdik. Bu oddiy yoki osonlikcha bo‘ladigan holat emas, shuning uchun ham ayni damlardan ulkan zavq olishimiz kerak.

Kelajakda bunday natijalar yana takrorlanadimi yoki yo‘q — buni bilmaymiz. Oxirgi muvaffaqiyatli musobaqaga qadar Argentina uzoq vaqt davomida jahon chempioni bo‘la olmagandi. Shu sababli, bugungi kunda erishayotgan har bir yutug‘imizni qadrlashimiz va bundan mamnun bo‘lishimiz lozim», — deya Messining so‘zlarini ESPN nashri keltirmoqda.

AQSh, Kanada va Meksika maydonlarida o‘tayotgan JCH-2026 musobaqasining final uchrashuvi 19-iyul kuni bo‘lib o‘tishi rejalashtirilgan.