“Медиа ҳафталик” якунланди (+видео)
Навоий вилоятида оммавий ахборот воситалари ходимлари, давлат органлари матбуот хизматлари ва контент яратувчилар иштирокида ташкил этилган “Медиа ҳафталик” тадбирлари якунланди.
Тадбир Ўзбекистон Республикаси Президенти Администрацияси ҳузуридаги Оммавий ахборот воситалари учун контент тайёрлаш маркази, вилоят ҳокимлиги, Ёшлар ишлари агентлиги ҳамда Ўзбекистон Журналистлар уюшмаси ҳамкорлигида ташкил этилди. Унда 200 нафардан ортиқ иштирокчи қатнашди.
Ҳафталик доирасида иштирокчилар амалий кейслар таҳлили, замонавий контент яратиш усуллари, ахборот хавфсизлиги, журналистиканинг касбий этикаси ҳамда сиёсий жараёнларни ёритишдаги масъулият каби йўналишларда билим ва кўникмаларини мустаҳкамлади. Машғулотлар назария ва амалиёт уйғунлиги асосида ташкил этилди.
[gallery-29346]
“Медиа ҳафталик” медиафорум билан якунланди. Унда сўзга чиққанлар мазкур лойиҳа шунчаки тадбир эмас, балки ғоялар майдони, имкониятлар эшиги ва келажак медиасини яратаётган ёшлар платформаси эканини алоҳида таъкидлади.
Медиафорум якунида барча иштирокчиларга Ўзбекистон Республикаси Президенти Администрацияси ҳузуридаги Оммавий ахборот воситалари учун контент тайёрлаш маркази томонидан сертификатлар топширилди.
<iframe width="650" height="420" src="https://www.youtube.com/embed/ewQlqg_5mSk" title="“Media haftalik” yakunlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Сирож АСЛОНОВ (сурат ва видео), ЎзА
