Мария Тимофеева — Ўзбекистоннинг энг кучли теннисчиси

Хотин-қизлар теннис ассоциацияси (WTA) ўзининг янгиланган рейтингини эълон қилди. Унга кўра, Ўзбекистоннинг етти нафар вакилининг олти нафари рейтингдаги ўрнини яхшилади.

Қувонарлиси, Мария Тимофеева беш поғона юқорилаб, жаҳон рейтингининг 63-ўрнига кўтарилди. Бу теннисчининг фаолиятидаги энг яхши натижа ҳисобланади. Унинг аввалги шахсий рекорди 68-ўрин эди.

Мария Тимофеева Пекиндаги WTA 1000 туркумига кирувчи мусобақада саралаш босқичидан муваффақиятли ўтиб, учинчи босқичга қадар етиб борди. Ушбу натижа теннисчига 135 рейтинг очкосини тақдим этди. Шу тариқа, у аввалги етакчимиз Камилла Раҳимовадан ўзиб кетиб мамлакатимизнинг биринчи рақамли теннисчисига айланди. Дарвоқе, Камилла эса бу ҳафтада етти поғона юқорилаб, 69-ўринни эгаллади.

Мамлакатимизнинг учинчи ракеткаси Полина Кудерметова ҳам янгиланган рейтингда икки поғона юқорилаб, 102-ўринга жойлашди. Қолган теннисчиларимиз орасида Севиль Йўлдошева 20 поғона кўтарилиб, 1002-ўринни, Милана Масленкова 21 поғона юқорилаб, 1334-ўринни, Дарья Шубина эса 15 поғона кўтарилиб, 1466-ўринни эгаллади. Лайма Владсон беш поғона пастлаб, 579-ўринга тушди.

Жаҳон рейтингининг кучли ўнталигида ҳам ўзгаришлар кузатилди. Россиялик Мирра Андреева икки поғона юқорилаб, учинчи ўринга кўтарилди. Америкалик Жессика Пегула ва Коко Гофф бир поғонадан пастлади. Украиналик Элина Свитолина ва чехиялик Каролина Мухова эса бир поғонадан юқорилади.

Қозоғистонлик Елена Рыбакина 9696 очко билан рейтинг пешқадамлигини сақлаб қолди. Беларусь вакили Арина Соболенко 7550 очко билан иккинчи ўринда бормоқда.

WTA рейтинги. 12 октябрь ҳолатига кўра:

1. Елена Рибакина (Қозоғистон) — 9696 очко.

2. Арина Соболенко (Беларусь) — 7550.

3. Мирра Андреева (Россия) — 6371.

4. Жессика Пегула (АҚШ) — 6225.

5. Коко Гофф (АҚШ) — 5974.

6. Элина Свитолина (Украина) — 5024.

7. Каролина Мухова (Чехия) — 4773.

8. Линда Носкова (Чехия) — 4679.

9. Ига Швёнтек (Польша) — 3999.

10. Марта Костюк (Украина) — 3910.

Жавоҳир Тошхўжаев,

ЎзА