МӘАБ мұраға таласқан немере ағайындыларды татуластырды.
Мұра мәселесі кейде ең жақын жандарды да бір-бірінен алыстатып жібереді. Ферғана қаласындағы бұл оқиға да дәл осылай басталған еді.
Бір отбасында немере ағайындыларға мұра қалады. Алайда немере ағалы-інілі екеуі мұраны бөлісіп алып, үшінші немере қарындасының, яғни көкелерінің қызының да заңды үлесі барын ескермей кетеді.
Өз үлесін ала алмаған қыз сотқа жүгінеді.
Соттың шешімі Ферғана қалалық Мәжбүрлі орындау бюросының бөліміне келіп түскен соң, мемлекеттік сот орындаушысы іске кіріседі.
Бұл жерде мәселе жай ғана ақша өндіріп алуда емес еді. Әңгіме бір отбасындағы жақын туыстар туралы болғандықтан, мемлекеттік сот орындаушысы тараптармен сұхбаттасып, әрқайсысының құқығын түсіндіріп, оларды мәмілеге шақырды.
Нәтижесінде екі немере ағасының әрқайсысынан 189 миллион сомнан, жалпы 378 миллион сом өндіріліп, үшінші немере қарындастарына тиесілі мұра үлесі толықтай алып берілді.
Ең қуаныштысы, іс тек ақша өндірумен ғана шектелмеді. Туыстар арасындағы түсініспеушілік те жойылды.
Өйткені, мемлекеттік сот орындаушысының міндеті – тек есік қағып, ақша өндіру ғана емес. Кейде ол екі тараптың ортасында тұрып, әділдікті орнатуға, түсіндіруге және туыстарды татуластыруға да себепші болады.
Мұра бөлінді, ақы иесіне жетті, ең бастысы – туыстық қатынас үзілген жоқ.
Хамроз Баянов
ӨзА
