Киев Путин, Трамп ва Си Цзиньпин учрашуви олдидан ўз талабини маълум қилди
Россия, АҚШ ва Хитой етакчилари ўртасидаги уч томонлама учрашувда Украина томони ҳам иштирок этиши керак, деб айтди Олий Рада Ташқи сиёсат ва парламентлараро ҳамкорлик қўмитаси раҳбари Александр Мережко “France24” телеканалига берган интервьюсида.
Парламент аъзосининг сўзларига кўра, лидерларнинг бундай учрашуви Киев учун алоҳида аҳамиятга эга.
Аввалроқ, РФ президентининг ташқи сиёсат масалалари бўйича ёрдамчиси Юрий Ушаков Хитойнинг Шэньчжэн шаҳрида бўлиб ўтадиган АТЭС саммити доирасида Путин, Трамп ва Си Цзиньпин ўртасидаги бўлажак саммитни ташкил этиш ва унга тайёргарлик кўриш аллақачон бошланганини эълон қилган эди.
Трамп бундай учрашув, аввало, Украинадаги можарони эмас, балки ядровий қуролсизланиш масалаларини муҳокама қилиш учун зарурлигини таъкидлаган эди.
С.Раҳимов, ЎзА
