ЖизПИ Хитой университети билан ҳамкорлик меморандумини имзолади

Жиззах политехника институти (ЖизПИ) Хитойнинг нуфузли "Hefei" технологиялар университети билан ҳамкорлик меморандумини имзолади. Бу келишув институт халқаро алоқаларини кенгайтириб, илмий салоҳиятни оширишга хизмат қилади.

Мазкур университет 2026 йилги ARWU халқаро рейтингида 401–500-ўринларни эгаллаган. “Shanghai Ranking” миллий рейтингида Хитой университетлари орасида 80-ўринда қайд этилган. “QS Asia University Rankings 2026” рейтингида эса 498-ўринни эгаллаган.

Ушбу келишув ЖизПИнинг халқаро академик алоқаларини кенгайтиришга хизмат қилади. Шунингдек, хорижий олий ўқув юртининг илмий-таълим салоҳиятидан фойдаланиш имкониятларини очади.

Абдужалол Қаюмов,

ЎзА мухбири