Исломбек Тўхтабоев – жаҳон вице-чeмпиони!

Финалгача бўлган барча жангларни ғалаба билан якунлаган ҳамюртимиз ҳал қилувчи баҳсда номдор рақибига қарши муносиб кураш олиб борган ҳолда, фахрли иккинчи ўрин ва кумуш медаль соҳибига айланди.

Мамлакатимизда Олимпия ўйинлари дастурига киритилган спорт турларини ривожлантириш ҳамда уни кенг оммалаштиришга қаратилаётган юксак эътибор натижасида иқтидорли спортчиларимиз халқаро ареналарда салмоқли ютуқларни қўлга киритмоқда.

Наманган вилоятининг Тўрақўрғон туманида камолган етган матонатли спортчи Исломбек Тўхтабоев Грузия давлатида ўтказилган пара дзюдо бўйича жаҳон чемпионатида Ўзбекистон шарафини муносиб тарзда ҳимоя қилди.

Ўзининг кучли иродаси, матонати ва юксак давражадаги шижоатини намоён эта олган Исломбекнинг олтинга тенг муваффақияти нафақат спортчимизнинг шахсий ютуғи, балки мард паҳлавонлар юрти – тўрақўрғонликлар учун ҳам катта фахрдир.

Оқилхон Дадабоев, ЎзА мухбири