Исландия Трампнинг ҳазилини кўтара олмади
Президент Дональд Трамп оролни Канада, Гренландия, Мексика, Марказий Америка ва Кариб денгизи билан бирга Америка байроғи остида тасвирланган харитани эълон қилгани учун АҚШ элчиси Исландия ТИВга чақирилди.
Америка етакчиси “Билса ҳазил, билмаса чин” қабилида иш тутиб, харитадаги бутун бир ҳудудни Қўшма Штатлар дея белгилаган эди.
Орол-давлат ташқи ишлар вазири Катрин Гуннарсдуттир ўтган ой расман лавозимга киришган элчи Билл Лонгни ҳузурига чорлаб, “Бундай ҳаракат мутлақо ноўринлигини аниқ-тиниқ айтди”, дея таъкидланган вазирлик баёнотида.
С.Раҳимов, ЎзА
