Ҳумоюн Султонов ва Сергей Фомин «President's Cup» турнири ярим финалида
Ўзбекистонлик теннисчилар Қозоғистонда ўтаётган «President's Cup» турнирида муваффақиятли иштирокини давом эттириб, ярим финал йўлланмасини қўлга киритди.
Қозоғистонда ўтаётган эркаклар ўртасидаги «President's Cup» турнирида ватанимиз шарафини ҳимоя қилаётган Ҳумоюн Султонов ва Сергей Фомин ярим финалга йўл олди.
Остона шаҳрида теннис бўйича ўтказилаётган «Челленжер 50» туркумига кирувчи «President's Cup» мусобақасининг чорак финал учрашувларида Сергей Фомин япониялик Масамичи Имамурани 6:2, 6:1 ҳисобида енгган бўлса, Ҳумоюн Султонов туркиялик Мерт Алкая устидан 7:6, 6:3 ҳисобида зафар қучди.
Энди финал йўлланмаси учун Сергей Фомин тунислик Азиз Дугазга қарши кортга чиқади. Ҳумоюн Султонов эса ярим финалда япониялик Хаято Матсуока билан куч синашади.
Жавоҳир Тошхўжаев,
ЎзА
