Хитой Африканинг аксар импорт маҳсулотлари учун тарифни бекор қилди
Хитой 1 майдан бошлаб Африканинг 54 мамлакатидан 53 таси учун барча товарларга бож тарифини бекор қилди, АҚШ эса Президент Дональд Трамп сиёсати доирасида янги-янги импорт солиғини жорий этишга ҳаракат қилмоқда. Бу ҳақда WSJ ёзган. Хабарда айтилишича, биргина Тайвань билан дипломатик алоқани сақлаб қолаётган Эсватини бундай имтиёздан мосуво.
- Сўнгги йилларда Вашингтонга хос номувофиқ ёндашув асносида Пекин мазкур қарор билан узоқни кўра билишини намоён этмоқда, - дея таъкидланган мақолада.
Бир йил олдин Трамп маъмурияти жавоб тарифини жорий қилгач, Африканинг иқтисодиёти кучли бир неча давлати АҚШга йўналтирилган баъзи маҳсулотлари учун янги бозор излашини эълон қилган эди. Масалан, Жанубий Африка учун Америка ставкаси 30 фоизга кўтарилган, айрим мамлакатлар эса ҳатто 40 фоиздан ҳам кўп импорт божи тўлаши белгиланган.
С.Раҳимов, ЎзА
