Халқимиз юқори кайфият билан сизларга оқ фотиҳа бериб, катта мундиалга кузатяпти – Президент
Сизларни олдинда Португалия, Колумбия, Конго терма жамоалари билан муҳим ўйинлар кутиб турибди. Катта куч-ғайрат, ишонч билан майдонга чиқинг! Шуни билингки, биз доим сизлар биланмиз!
Ҳақиқий ўзбекона жасорат, матонат ва иродангиз билан чиройли ва ишончли ўйин кўрсатиб, барчамизни хурсанд қиласиз деб ишонамиз.
Бугун сизлар қатори менинг қалбим ҳам фахр ва ифтихорга тўлиб турибди. Ўзбек халқи ҳамиша катта орзу-умидлар билан фақат олдинга интилиб яшаган.
Келинглар, бугун ҳаммамиз яхши ният қилайлик! Жаҳон чемпионатида футболчиларимизни Яратганнинг ўзи қўлласин! Ҳар бир ўйинда халқимизнинг дуоси мададкор бўлсин!
Яшасин ўзбек футболи! Яшасин Янги Ўзбекистон ёшлари! Яшасин бунёдкор Ўзбекистон халқи, – деди Президентимиз сўзининг якунида.
ЎзА
