Футзал мавсумининг сўнгги учрашуви: «BMB» - «Oil Star» 3-2
Пойтахтимиздаги «Юнусобод» спорт мажмуида футзал бўйича олий лига жамоалари ўртасидаги учрашувларнинг 12-тури билан 2025-2026 йиллар мавсуми ниҳоясига етди.
Кеча турнинг сўнгги учрашувлари бўлиб ўтди.
Биринчи бўлиб, майдонга «Lokomotiv» ва «Мaksam-Chirchiq» жамоалари тушди. Кескин ва муросасиз ўтган учрашувда дарвозаларга 15 та тўп киритилди. «Lokomotiv» ва «Мaksam-Chirchiq» учрашуви 6:9 ҳисоби билан якун топди.
Кейинги ўйинда «Bunyodkor» ҳамда «OKMK» футзал клублари мавсумнинг сўнгги ўйинларидан бирида беллашди. Қизғин курашлар остида ўтган учрашув 3-2 ҳисобида «Bunyodkor» жамоаси фойдасига ҳал бўлди.
[gallery-29688]
XXIX миллий чемпионатнинг сўнгги ўйини «BMB» ва «Oil Star» жамоалари ўртасида кечди. Гарчи «BMB» жамоаси мавсум чемпионлигини аллақачон ўз номига расмийлаштириб олган бўлсада, ўйин шиддатли кечди ва натижа ҳам шунга яраша бўлди:
«BMB» - «Oil Star» 3-2.
Муҳаммад АМИН (сурат), ЎзА
