Фожиага ёнилғи узилиши сабаб бўлдими? Хитойдаги ҳалокат бўйича янги далиллар
2022 йил 132 инсоннинг ҳалокатига сабаб бўлган авиаҳалокат бўйича янги маълумотлар жиддий саволларни кун тартибига олиб чиқди. АҚШ Миллий транспорт хавфсизлиги кенгаши – NTSB эълон қилган ҳисоботда парвоз вақти учоқ двигателига ёнилғи узатилиши атайлаб тўхтатилгани тахмин қилинмоқда. Бу ҳақда BBC нашри ёзган.
Ахборотда қайд этилишича, "Boeing-737" лайнери ёнилғи калитлари “ўчирилган” ҳолатга ўтказилган. Натижада самолёт баландликда парвоз қилаётган пайт двигателлар ишдан чиққан. Ушбу хулоса “қора қути” маълумоти таҳлилига асосланган.
"China Eastern Airlines"га тегишли MU5735 рейси Куньминдан Гуанжоуга парвоз қилаётганда тўсатдан кескин пастга шўнғиган. Самолёт бир неча дақиқада минглаб метр баландликдан ерга тушган. Диспетчерлар бир неча бор алоқага чиққан бўлса-да, экипаждан жавоб бўлмаган.
Дарвоқе, Хитой Фуқаро авиацияси бошқармаси (CAA) ҳозиргача якуний хулоса эълон қилмаган. Расмийлар миллий хавфсизликни рўкач қилиб, маълумотни чекламоқда. Аввалроқ тарқалган “қасддан уюштирилган ҳаракат” ҳақидаги тахмин ҳам расман тасдиқланмаган.
Мусулмон Зиё, ЎзА
