Фарғонада экологик партия депутатлари форуми (+видео)
Халқ депутатлари Фарғона вилоят, туман ва шаҳар кенгаши депутатлари иштирокида “Ҳудудлар ва маҳаллалар тараққиётини таъминлашда маҳаллий Кенгаш депутатларининг ўрни” мавзусида форум бўлиб ўтди. Унинг қатнашчилари экологик йўналишдаги стартап лойиҳалари, ижодий ишлар ва амалий ишланмалар билан танишди. Сўнгра самарали фаолият олиб бораётган депутатларга партиянинг “Энг фаол депутати” ташаккурномаси топширилди.
Форум доирасида “Экологик қонунчилик, депутатлик ва жамоатчилик назорати ҳамда партия дастури ижросида янги ёндашувлар” мавзуси атрофлича муҳокама қилинди.
[gallery-30772]
Форум иштирокчиси бўлган депутатлар Каркидон сув омбори экологик ҳолати, бу ерда олиб борилаётган ишлар, яшил ҳудуд билан танишдилар.
– Экологик партия ёш бўлишига қарамай аҳолини яшилликка, экологик маданиятга ўргатишга ҳаракат қиляпти, – дейди Фарғона вилоят Кенгаши депутати Гулираъно Холиқова. – Фракция раҳбари билан ҳудудларда бўлдик. Каркидон сув омборига экилган манзарали дарахтлар яқин келажакда ўрмон бўлиб кетади.
Депутатлар Қува туманидаги “Қақир янги Қува” ҳамда “Қорақум” маҳалла фуқаролар йиғинларида бўлиб, еттилик фаолиятини ўрганишди. Аҳоли хонадонларига кириб уларнинг мурожаатларини тинглашди ва ободончилик ишлари юзасидан тавсия ва таклифлар киритдилар.
<iframe width="650" height="420"
src="https://www.youtube.com/embed/UplasuheNm0"
title="Farg‘onada ekologik partiya deputatlari forumi"
frameborder="0"
allowfullscreen></iframe>Муҳаммаджон Обидов,Элёр Олимов (сурат), ЎзА
