Эрон дунёнинг энг жозибали мамлакатими?
“Most Traveled People” (MTP) талқини бўйича Эрон дунёнинг энг жозибали мамлакатлари рейтингида биринчи ўринни эгаллади. Ушбу мамлакат энг кам баҳоланган сайёҳлик йўналиши сифатида ҳам эътироф этилди.
Тадқиқот иштирокчилари Ислом Республикасининг асл сайёҳлик салоҳияти оммавий ахборот воситаларидаги имижидан анча юқори эканига урғу бермоқда. Шунингдек, мамлакатнинг бой тарихий мероси, ноёб маданияти ва маҳаллий аҳолининг ажойиб меҳмондўстлиги алоҳида таъкидланган.
Умумий рейтингда Эрон иккинчи ўринни эгаллаган Япония ва Европада етакчиликни қўлга киритган Италияни ортда қолдирди.
С.Раҳимов, ЎзА
