Брисбен-2032 Олимпиадасы мен Паралимпиадасының ресми логотипі таныстырылды
Австралияның Брисбен қаласында өтетін 2032 жылғы Олимпиада және Паралимпиада ойындарының ресми логотипі таныстырылды.
Оның дизайны Австралияға тән қызғылт какаду құсынан шабыт алған.
Бастапқыда логотипті екі күннен кейін жариялау жоспарланған еді. Алайда Brisbane-2032 ресми YouTube арнасына видео белгіленген уақыттан бұрын қысқа мерзімге жүктеліп, кейін өшіріліп тасталған.
Осыдан кейін Brisbane-2032-нің Instagram парақшасы бұл жағдайды әзілмен қабылдап, жаңа логотипті ресми түрде таныстырды. Логотипте қызғылт какаду бейнеленген. Австралия музейі бұл құсты елдің ішкі аймақтарының рәміздерінің бірі ретінде сипаттайды.
Бұл құс бұған дейін Майор Митчелл какадусы деген атаумен де белгілі болған. Томас Митчелл оны 1836 жылы өз жазбаларында сипаттаған. Кейін құс атауынан Митчеллдің есімі алынып тасталды. Бұған оның сол жылы Жаңа Оңтүстік Уэльстегі жергілікті халыққа қатысты оқиғалардағы рөлі себеп болған.
Айта кетейік, Брисбен-2032 Олимпиадасына дейін алты жылға жетер-жетпес уақыт қалды.
