Бахтиёр Саидов Малайзия елшісінен сенім грамоталарының көшірмесін қабылдап алды
Өзбекстанның Сыртқы істер министрі Бахтиёр Саидов Малайзияның елімізге жаңадан тағайындалған елшісі Рафеда бинти Абдул Азиз ханымнан сенім грамоталарының көшірмесін қабылдап алды.
Кездесу барысында Өзбекстан мен Малайзия арасындағы көпқырлы ынтымақтастықты одан әрі дамыту перспективалары талқыланды. Тараптар соңғы жылдары жоғары деңгейдегі саяси диалогтың арқасында екі ел арасындағы қарым-қатынастың жаңа кезеңге көтерілгенін атап өтті.
Сондай-ақ сауда-экономикалық байланыстарды кеңейту, инвестициялық әріптестікті нығайту және түрлі салаларда бірлескен жобаларды жүзеге асыру мәселелеріне ерекше назар аударылды.
– Елші ханымға Өзбекстандағы дипломатиялық қызметіне табыс тілеп, оның жауапты миссиясын жан-жақты қолдауға дайын екенімізді растадық, – деп жазды Өзбекстанның Сыртқы істер министрі Бахтиёр Саидов өзінің Telegram-арнасында.
