Банк инқирози туфайли Парагвай президенти ишдан олинди
Парагвайдаги “Ueno Bank” инқирози қарийб уч миллион мижозни ўз маблағидан фойдаланиш имкониятидан маҳрум қилди. Молиявий можаро ортидан Президент Сантьяго Пенья истеъфо берди. Шундан сўнг парламент Қуйи палатаси уни импичмент тартибида лавозимидан четлатишни бир овоздан маъқуллади. Энди президентлик вазифасини вице-президент Педро Альяна бажариши кутиляпти.
Марказий банк текширувида “Ueno Bank” маблағи нотўғри ҳисобга олингани, муассаса эгаларига алоқадор компанияларга қонунбузарлик билан йирик қарзлар берилгани аниқланди. Қайта ҳисоб-китобдан кейин капитал қонуний энг кам меъёрнинг ярмига тушган. 2025 йил сентябрида уч компанияга бир кунда қарийб 39 миллион доллар ажратилган. Инқироз оқибатида мижозлар ҳисоб варағи ва карталаридан фойдалана олмаяпти, қарийб 7 000 ходим эса иш ҳақи олмаган.
Можаро Пеньянинг молиявий доиралар билан алоқасини кун тартибига олиб чиқди. У ўтган йилгача “Ueno” билан боғлиқ компанияда улушга эга эди. Банкнинг аввалги раҳбари Карлос Карвальони эса Марказий банк бошқарувига тайинлаган. “Ueno” давлат ташкилотларидан қарийб 800 миллион доллар маблағ жалб қилган. Бу ҳолат ҳукумат, банк ва назорат идоралари ўртасидаги муносабатга доир саволларни кўпайтирди.
Мусулмон Зиё, ЎзА
