10 o‘yinga chetlatilgan Paredes: Gaviga berilgan jazo meni hayron qoldirdi
Argentinalik yarim himoyachi qaror yuzasidan o‘z e’tirozini bildirib, voqea paytida unga nisbatan ham jismoniy harakat bo‘lganini eslatdi.
Leandro Paredes FIFA tomonidan qo‘llangan 10 o‘yinlik diskvalifikatsiya borasida o‘z fikrini bildirdi. Argentina terma jamoasi futbolchisi finaldan keyingi mojaro uchun berilgan jazoni haddan tashqari og‘ir deb hisoblamoqda.
Argentinalik yarim himoyachi qaror yuzasidan o‘z e’tirozini bildirib, voqea paytida unga nisbatan ham jismoniy harakat bo‘lganini eslatdi.
«Bu jazo menga ortiqchadek tuyulmoqda. Gaviga faqat bir o‘yinlik chetlatish berilgani ham hayron qoldiradi. Chunki o‘sha vaziyatda ko‘ksimga aynan u zarba bergan», — dedi Paredes.
Gap 2026-yilgi Jahon chempionati finalidan so‘ng yuz bergan tartibsizliklar haqida bormoqda. O‘sha paytda Paredes Erik Garsiya bilan tortishuvga kirishib, ispaniyalik futbolchining bo‘ynidan ushlagan. Shundan so‘ng u jamoadoshini himoya qilish uchun aralashgan Gavini ham itargan.
To‘qnashuv vaqtida Argentina terma jamoasining boshqa vakillari ham voqeaga qo‘shilgan. Keyinchalik FIFA ushbu holatlarni alohida o‘rganib, ishtirokchilarga nisbatan intizomiy choralar belgiladi.
Paredes esa o‘ziga nisbatan chiqarilgan qaror bilan rozi emasligini ochiqchasiga bildirdi.
