Зеленский Путинга яна энергетик сулҳ таклиф қилди
Украина президенти Володимир Зеленский Кремлга энергетика объектларига ўзаро ҳужумларни тўхтатишни таклиф қилди, деб хабар берди DW нашри.
“Агар Россия бизнинг энергетика иншоотларимизга ҳужумларни тўхтатса, биз ҳам худди шундай жавоб қайтаришга тайёрмиз”, - деди Зеленский 6 апрель кунги берган баёнотида.
Украина етакчисининг бу таклифи Россия томонига АҚШ вакиллари орқали етказилгани айтилган.
Украина раҳбари ўтган тун Россия томонидан Одесса шаҳридаги энергетика объектлари ва турар-жой биноларига қилинган дрон ҳужумларини эслаб ўтди. Бу ҳужум натижасида уч киши ҳалок бўлган.
“Биз Россияга ҳеч бўлмаганда Пасха байрамида ўт очишни тўхтатишни бир неча бор таклиф қилдик. Бу йилнинг алоҳида даври ҳисобланади. Аммо улар учун барча вақтлар бир хил, улар учун муқаддас нарсанинг ўзи йўқ. Агар Россия урушни молиялаштириш имконига эга бўлса, у ўз ихтиёри билан ҳеч қачон тинчликка келмайди”, - деди Зеленский ва Киев иттифоқчиларини Москвага босимни давом эттиришга чақирди.
30 март куни ҳам Зеленский диний байрам - Пасха муносабати билан энергетик сулҳни муҳокама қилишга тайёр эканини айтган эди. “Биз ҳар қандай ўт очишни тўхтатиш масаласини муҳокама қилишга тайёрмиз. Тўлиқ сулҳни ҳам”, - деган эди у.
Кремль эса бу таклифни рад этди. Путиннинг матбуот котиби Дмитрий Песковнинг сўзларига кўра, Россия томони Украинанинг бу ташаббусида аниқ шаклланган Пасха сулҳини кўрмаган.
<iframe width="560" height="315" src="https://www.youtube.com/embed/jqSMtLIODoQ?si=Qd9cZWWg05BwGPGW" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Улуғбек Тўхтаев, ЎзА
