![](https://cdn.uza.uz/2023/07/09/11/35/cIfNL9qnz7ahjnagVNlopifeoIEHiM1f_normal.jpg)
ФОТОРЕПОРТАЖ
Бугун эрта тонгдан бошланган муҳим сиёсий тадбир – Ўзбекистон Республикаси Президенти сайловига фуқаролар юксак масъулият билан ёндашиб, мамлакат келажаги учун дахлдорлигини намойиш этмоқда.
Буни Тошкент шаҳри Мирзо Улуғбек туманидаги 30-сайлов участкасида ҳам кузатиш мумкин.
Мазкур сайлов участкасида 1679 нафар сайловчи рўйхатдан ўтган. Улардан 58 нафари биринчи бор сайлаш ҳуқуқидан фойдаланмоқда. 84 фуқаро муддатидан олдин овоз берган.
– Сайловда илк бор иштирок этишим, - дейди сайловчи Ҳусниддин Баротов. – Давлат раҳбарини танлашда бевосита қатнашар эканман, ўзимда ҳам ғурур ҳам юксак масъулиятни ҳис этдим. Боиси, биз, сайловчилар ўз овозимиз билан мамлакатимизнинг эртанги равнақини белгилаб берамиз. Шу боис, ўзим энг муносиб деб билган номзодга овоз бердим.
[gallery-12680]
Камола Юсупова, Даврон Эрназаров (сурат), ЎзА