ФОТОРЕПОРТАЖ

Қорақалпоғистон Республикаси Мактабгача ва мактаб таълими вазирлиги тасарруфидаги Республика Болалар кутубхонаси жамоаси томонидан мактаб ўқувчиларнинг қишки таътил кунларини мазмунли ўтказиш мақсадида қатор тадбирлар ташкил қилинди.

[gallery-21213]

Ёзувчи ва шоирлар билан ижодий учрашувлар, турли соҳа вакиллари билан давра суҳбатлари, қизиқарли викториналар ҳамда концерт дастурлари ташкил этилиб, ёш китобхонлар эътиборига намойиш этилди. Жумладан, “Янги йил қувончлари” номли мусиқали байрам тадбири, Ўзбекистон ва Қорақалпоғистон Ёзувчилар уюшмаси аъзоси, таниқли адиб Кобейсин Эрназаров билан ўтказилган «Ёзувчи ва китобхон» номли учрашув, Нукус тумани 17-умумтаълим мактабининг 7-синф ўқувчиси Фарида Есенбаева ижодига мансуб “Қутли қадем” номли китоб тақдимоти, шунингдек, “Китоб қудратли куч”, “Китоб - маънавий хазина” мавзуидаги давра суҳбатлари, “Қиш зийнати” мавзусидаги онлайн расмлар танлови, “Сирли сандиқча”, “Эртагим эртак”, “Расмли эртак”, “Бу жуда қизиқ” номли савол-жавоб, интеллектуал викторина ўйинларида ўқувчилар фаол иштирок этди.

Ушбу тадбирлар ёшларнинг бўш вақтини мазмунли ташкил этиш билан бирга, уларнинг маънавий савиясини юксалтириш, зеҳнини чархлашга хизмат қилиши билан аҳамиятли.

Мақсад ҲАБИБУЛЛАЕВ(сурат),ЎзА