Қорақалпоғистон Республикаси Хўжайли туманидаги “Баркамол авлод” болалар мактабида етти йўналишда 70 та тўгарак ташкил этилган.

“Компьютер дизайни ва графикаси”, “Робототехника”, “Ёш дастурчи”, “Компьютер муҳандиси”, “Бичиш-тикиш”, “Каштачилик”, “Мунчоқли безак”, “Ёш қандолатчи ва ошпаз”, инглиз ва рус тиллари каби тўгаракларда 1 минг 540 нафар ўқувчи билим ва маҳорат оширмоқда.

Бундан ташқари умумтаълим мактаби битирувчиларини олий таълим муассасаларга тайёрлаш мақсадида математика, физика, химия каби фанлар бўйича машғулотлар ташкил этилган.

Мактабнинг иқтидорли тарбияланувчилари мамлакат ҳамда халқаро миқёсда ўтказилаётган кўрик-танлов, ижодий фестиваль ва мусобақаларда фаол қатнашиб, совринли ўринларни эгаллаб келмоқда.

[gallery-24663]

Айни ёзги таътил кунларида мактаб ўғил-қизлар билан янада гавжум. Бу ерда “Ёз-2025” концепцияси ва “Долзарб 90 кун”  лойиҳаси доирасида қатор маданий тадбирлар, турли кўрик танлов ва викториналар ўтказилмоқда. 

<iframe width="640" height="420" src="https://www.youtube.com/embed/KDmO8ZZnb7k" title="Yoshlarning bo‘sh vaqti mazmunli o‘tmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мақсад ҲАБИБУЛЛАЕВ (сурат, видео), ЎзА